Share

-ഗുല്‍മോഹര്‍-

സമാധാനം

 

കളിത്തോക്കുമായ് കള്ളനും പോലീസും 

കളിച്ച മുന്ന് വയസ്സുകാരന്റെ നെഞ്ജിലൂടെ   

എ.കെ  ഫോര്‍ട്ടി സെവന്‍ ചീറിപ്പാഞ്ഞ നിമിഷം 

അമേരിക്കന്‍ പ്രസിഡന്റ്റ് പ്രഖ്യാപിച്ചു 

ഭൂമിയില്‍ നിന്നു  ഭീകരവാദം 

തുടച്ചു നീക്കും.

  

പ്രണയം

വെളിച്ചവും നിഴലും പ്രണയത്തിലായിരുന്നു.

രാവിലെ മുതല്‍ ഇണങ്ങിയും പിണങ്ങിയും

ഒരുമിച്ചുണ്ടായിരുന്നു......

ഒടുവില്‍ സന്ധ്യ കഴിഞ്ഞപ്പോള്‍

വെളിച്ചത്തെ പറ്റിച്ച് നിഴല്‍ 

രാത്രിയുടെ മാറില്‍ അന്തിയുറങ്ങി...