"നിങ്ങള്‍ക്കെന്റെ കരങ്ങളില്‍ ചങ്ങലയും കാലുകളില്‍ ആമവും വെക്കാം
നിങ്ങള്‍കെന്നെ ഇരുട്ടയിലെക്ക് വലിച്ചെറിയാം ,എന്നാല്‍
നിങ്ങള്‍ക്കെന്റെ ചിന്തകളെ അടിമാപ്പെടുത്താനാവില്ല
കാരണം അത് സ്വതന്ത്രമാണ് "
-ഖലീല്‍ ജിബ്രാന്‍ -

വ്യാഴാഴ്‌ച, ഒക്‌ടോബർ 20, 2011

-ഹര്‍ഷ -

ഇന്നലെ
ഞാന്‍ എന്റെ നഷ്ടങ്ങളുടെ
കണക്കുപുസ്തകം തയ്യാറാക്കി  ...
ആദ്യം നഷ്ടമായത്
ബാല്യമായിരുന്നു ...
പിന്നെ ആദ്യ പ്രണയവും
കൗമാരവും ...
ഇനി ഒരു നഷ്ടം കൂടി രേഖപ്പെടുത്താനുള്ള മഷി
എന്റെ പേനയിലില്ല
ഞാന്‍ മായ്ക്ക്കുകയാണ്
എന്നെന്നേക്കുമായി
നിന്നെ എന്നില്‍ നിന്നും ...

ബുധനാഴ്‌ച, ഒക്‌ടോബർ 19, 2011

അപ്പൂപ്പന്‍താടി

-അവന്തിക -

എനിക്കും പറക്കണം ഒരു അപ്പൂപ്പന്‍ താടി കണക്കെ....
തീരാ മോഹങ്ങളുമായ് പറന്നു പറന്നു ഒടുവില്‍
തളര്‍ന്നു വീഴണം ഭൂമിയുടെ ചിതലരിച്ച വിരിമാറില്‍ .....
പിന്നെയൊരു പുതുമഴയില്‍ തളിരിട്ട്ട്,
ഒരു വസന്തത്തില്‍ പൂത്തു തളിര്‍ത്ത്,
ഒരു വേനലില്‍ പിന്നെയും 
ഒരായിരം മോഹങ്ങളും പേറി......
പാറിപ്പറക്കണം അകലങ്ങളിലേക്ക്.......
വീണ്ടും നില  തെറ്റി വീഴാനായ്....

ബുധനാഴ്‌ച, ഒക്‌ടോബർ 12, 2011

നീര്‍ക്കുമിളകള്‍....

 -അവന്തിക-


ആരോ  കളിയായ്‌ ഊതിവിട്ട നീര്‍ക്കുമിളകള്‍ മാത്രമായിരുന്നു എന്റെ സ്വപ്നങ്ങളും....
കാലം പോലും അതിനെ ഉയരങ്ങളിലേക്ക്  പറക്കാന്‍ അനുവദിച്ചപ്പോള്‍,
ഉയര്ന്നുപോങ്ങിയ എന്റെ നീര്‍ക്കുമിളകളില്‍,
ജീവിതത്തിന്റെ ഏഴു വര്‍ണങ്ങളും ഞാന്‍ കണ്ടു...
കാലത്തിന്റെ കുസൃതിയില്‍ എന്റെ കുമിളകള്‍ 
പൊട്ടിച്ചിതറിയപ്പോള്‍ 
ജീവിതത്തിനു നിറം ഇല്ലാതായിക്കഴിഞ്ഞിരുന്നു...
എന്റെ സ്വപനങ്ങള്‍ക്കും  അതിരുകളുണ്ടായിരുന്നെന്നു  ഞാന്‍ ഇന്നറിയുന്നു...
എന്റെ സ്വപ്നങ്ങള്‍ക്ക് ഒരു നീര്‍ക്കുമിളയുടെ  ആയുസ്സ് മാത്രമേ ഉണ്ടായിരുന്നുള്ളുവെന്നും....
Protected by Copyscape DMCA Takedown Notice Infringement Search Tool